Viqueque, 28 Novembru 2025
Sua Exelénsia Prezidente Autoridade Munisípiu, Sr. Francisco C.S. de G. Soares, ofisialmente ensera ona feira no mini expozisaun durante loron 4 (24-28 Novembru 2025), iha munisípiu Viqueque, antes desloka ba Dili hodi partisipa serimónia enseramentu expozisaun iha Tasi Tolu-Dili, ne’ebé organiza husi Ministériu Administrasaun Estatál.
Eventu ne’e realiza hodi komemora loron istóriku Proklamasaun Unilaterál Independénsia Repúblika Demokrátika Timor-Leste ba dala-50 ho tema selebrasaun tinan ne’e “𝐐𝐮𝐞 𝐚 𝐜𝐞𝐥𝐞𝐛𝐫𝐚𝐜̧𝐚̃𝐨 𝐝𝐞𝐬𝐭𝐞𝐬 𝟓𝟎 𝐚𝐧𝐨𝐬, 𝐝𝐨 𝐩𝐚𝐬𝐬𝐚𝐝𝐨, 𝐧𝐨𝐬 𝐚𝐬𝐬𝐞𝐠𝐮𝐫𝐞 𝐜𝐨𝐧𝐟𝐢𝐚𝐧𝐜̧𝐚 𝐧𝐨 𝐩𝐫𝐞𝐬𝐞𝐧𝐭𝐞 𝐞 𝐞𝐬𝐩𝐞𝐫𝐚𝐧𝐜̧𝐚 𝐧𝐨 𝐟𝐮𝐭𝐮𝐫𝐮”.
Programa ba eventu ne’e hahu ho animasaun dansa kulturál husi grupu Tahu Luar, kontinua intervensaun autoridade sira, distribuisaun premiu ba manan na’in husi kompetisaun desportu tradisionál no ikus liu remata ho animasaun husi banda nasionál KLAMAR no banda lokál ALIMAUN, KOHE ho MAVIS hodi anima no diverte komunidade sira.
