Viqueque, 04 Maiu 2026

Exelentisímu Prezidente Autoridade Munisípiu Sr. Francisco C.S de G. Soares ho Autoridade Munisipál Viqueque akompañia Exelénsia Ministru Agrikultura Pekuária Peskas Sr. Marcos da Cruz lansa makina kuda hare, iha natar Wedare Badak hektares 37,5, iha Suku Luca, Postu Administrativu Viqueque Villa.

Liuhusi biban ne’e Exelentisímu PAM, hato’o agradese ba Exelénsia MAPPF ne’ebé apoiu ona makina kuda hare mai Viqueque, liuhusi utilizasaun ekipamentu moderna bele ajuda tebes servisu agrikultór sira iha natar no hamenus kustu hamenus kustu servisu manuál tanba durante ne’e agrikultóe sira tenke selu ema hodi kuda hare.

Nune’e Prezidente Autoridade mós husu ba komunidade ho agrikultór sira atu aproveita didi’ak apoiu husi governu hodi utiliza makina sira ho responsabilidade.

Nia mós enkoraza ba juventude sira atu haree atividade agrikultura nu’udar oportunidade ida hodi bele dezenvolve no hasa’e kreximentu ekonómia ida ne’ebé sustentavél.

Entertantu iha lansamentu ne’e hetan partisipasaun mós husi Autoridade Munisipál, Postu, Komandante PNTL Munisípiu Viqueque, Prezidente CM-CLN no komunidade sira.