Viqueque, 20 Janeiru 2026, Sua Exelénsia Prezidente Autoridade Munisípiu, Sr. Francisco C.S de G. Soares, konvoka enkontru avaliasaun no koordenasaun ho Administradór Postu Administrativu sira akompañia mós husi Xefe Gabinete PAM no Asesór PAM.
Sorumutu refere, hala’o iha salaun VIP AMV, hodi halo avaliasaun jerál ba dezempeñu servisu iha Postu Administrativu 5 relasióna ho implementasaun servisu iha terenu, hanesan programa merenda eskolár, PNDS, Saúde no setór sira seluk.
Foku liubá ba progresu, dezafiu sira ne’ebé Autoridade Postu sira infrenta nune’e mós rekomendasaun sira.
Aleinde ne’e, PAM halo mós koordenasaun ho Administradór Postu sira relasióna ho vizita Xefe Governu hodi avalia kondisaun minimu munisípiu nian hodi hakat ba desentralizasaun podér lokál.
