Viqueque, 15 Janeiru 2026, Sua Exelénsia Prezidente Autoridade Munisípiu, Sr. Francisco C.S de G. Soares, partisipa iha enkontru atualizasaun orsamentu PNDS tinan 2026, ne’ebé introdús direta husi Diretór Servisu Munisipál Programa Nasionál Dezenvolvimentu Suku (PNDS) Sr. Francisco Soares Varela, akompañia mós husi Asesór PARTISIPA.
Sorumutu refere, realiza iha salaun Laline AMV, hodi atualiza ba Prezidente Autoridade liga alokasaun orsamentu PNDS tinan ne’e.
Liuliu alokasaun ba item ka programa importante 3 ne’e sei ezekuta maka hanesan, orsamentu regular, orsamentu ba alargamentu sede suku hamutuk 21 unidade nomós konstrusaun refetoriu eskolar ba programa merenda eskolar EBC hamutuk 18 unidade.
Partisipa iha enkontru ne’e, kompostu husi Asesór PAM, Diretór Servisu Munisipál Ajensia Planeamentu, Finansas no funsionáriu PNDS.
