Viqueque, 15 Janeiru 2026, Sua Exelénsia Prezidente Autoridade Munisípiu Sr. Francisco C. S. de G. Soares, simu audiénsia ekipa avaliadór husi Ministériu Agrikultura Pekuaria, Peskas no Florestas (MAPPF) hamutuk ho ajensia TOMAK (To’os ba moris di’ak).
Audiensia ne’e, realiza iha sala vizita PAM hodi fó koñesimentu kona-ba avaliasaun ba utilizasaun Manual Extensaun Agrikola (MEA) ne’ebé sosializa ona iha tinan 2025 iha munisípiu Viqueque no husu mós opiniaun husi PAM relasióna ho manuál refere.
Hatan ba pergunta jerál kona-ba utilizasaun MEA, S.E. PAM hatete, manual ne’e importante tebes ba extensionista, tanba bele ajuda sira hodi hala’o servisu ho di’ak.
Nia mós sujere atu sosializa manual refere ba Autoridade Munisipál, Postu, Lideransa Komunitaria ho Konsellu suku no komunidade, nune’e ema hotu bele iha koñesimentu kona-ba manual ne’e rasik.
Alvu ba avaliasaun kompostu husi Prezidente Autoridade, Sekretariu Munisipál Asuntu Administrasaun Finansas, Sekretariu Munisipál Asuntu Planeamentu Investimentu no Dezenvolvimentu Integradu (PIDI), Sekretariu Munisipál Asuntu Sosias nomós Diretór Servisu Munisipál Agrikultura.
MEA ka Manual Extensaun Agrikula
