Biografia badak husi Diretor Servisu Munisipal Planeamentu Integrado Dezenvolvimentu (SMPID)

Sr. Domingos de Carvalho Monteiro moris iha loron, 2 fulan Abril tinan 1971 iha Suco Builale, Posto Administrativo Ossú, ho naran Kuñesidu Dúkay, no remata estudo husi Ensimo Superior ho Diploma II iha Politeknik Dili – Hera espesializada iha Area Teknik Sipil iha 1996.

Sr. Domingos de Carvalho Monteiro hahu kareira Professional desde tempu Indonesia hanesan Pegawai Negeri Sipil (PNS) hahu husi 1997 até 1999. Iha 1999 wainhira ONU orgeniza Referendum iha teritoria Timor maioria Povo Timor Leste maka hili Ukun Rasik An hodi kore an husi Governasaun Indonesia nian, ho nune Sr. Domingos de Carvalho Monteiro, kontinua nia kareira professional iha Tempu Ukun An nudar Professor Matematika iha Eskola Basiku Central (EBC) 01 Viqueque, Mestri Domingos ne’ebe kuñesidu iha alunus nia le’et ema ida ne’ebe matenek, honestidade no responsablidade e mais simples, ho prestasaun manorin servisu ne’ebe diak iha eskola refere Ministerio Edukasaun Joventude no Desporto liu husi Diretor Edukasaun Munisipiu Viqueque nomeia nia ba iha Xefe Seksaun Planeamentu Servisu Munisipal Edukasaun Munisipio Viqueque iha 2012 até 2020 durante hala’o knar iha Servisu Munisipál Edukasaun Sr. Domingos de Carvalho Monteiro mos hetan konfiansa husi nia Diretor nudar Tekniku EVAS – Equipa Verifikasaun Avaliasaun no Supervizaun iha projeto PDD1 ho PDD2 husi tinan 2012 até 2020 ho Prestasaun Servisu hirak ne’e, Sr. Domingos de Carvalho Monteiro hetan tan konfiasaun husi Sr. Januario Soares “BOLLY” Administrador Munisipio Viqueque hodi promove no nomeia asume knar nudar Diretor Servisu Munisipál Planeamentu Integrado Dezenvolvimentu (SMPID) iha Administrasaun Munisipiu Viqueque ou mesmu tempu hanesan mos Koordenador UTE – Unidade Trabalho Espeksifiku hahu husi 2021 até agora, Sr. Domingos de Carvalho Monteiro ho prinsipu moris maka ‘’Koalia mai hau, hau sei haluha, hatudu mai hau no involve hau, hau sei hatene’’.

| Administrador Munisípiu Viqueque

“Hamutuk Ita Hari’i Loron Aban Ida Buras Liu”

Januário Soares ho Kodigu revolusionáriu “Bolly”, iha experiênsia nebe liu tinan 20 hala’o nia funsaun iha Administrasaun públika. Timor-Leste bainhira restaura nia Independesia iha tinan 2002, antes ne’e nia asumi ona knar hanesan “Deputadu Asembleia Konstituante” husi fulan Setembru 2001 to’o fulan Maio 2002. Hafoin kontinua kedan knar ba Deputadu iha primeiru lejislatura husi tinan 2002 – 2007.

Januário Soares “Bolly” assumi kargu hanesan Administrador Munisípiu Viqueque tuir resolusaun númeru 58/2020 aprovadu iha dia 21 de Dezembru nebe koalia kona-ba nomeasaun Administrador Munisípiu Viqueque. Nune’e sei assume kargu durante períodu tinan 5, konta hahú husi loron 14 fulan Janeiru tinan 2021 nebe simu tomada de posse.