Viqueque, 19 Janeiru 2026, Segunda-feira ne’e, Sua Exelénsia Prezidente Autoridade Munisípiu Viqueque Sr. Francisco C. S. de G. Soares, hamutuk ho estrutura Autoridade Munisipál, Postu no Lideransa Komunitaria Suku Caraubalo, hala’o enkontru Koordenasaun ho parseiru dezenvolvimentu ADB (Asian Development Bank).

Sorumutu koordenasaun ne’e, realiza iha salaun Laline AMV hodi diskute kona-ba konstrusaun hospitál munisipál Viqueque, ne’ebé tuir planu sei konstrui iha tempu badak.

Entertantu rai ne’ebé komunidade entrega ona ba Autoridade Munisipál Viqueque hodi entrega ba Ministeriu Saude iha tinan 2025 ho medida 200 × 100, lokaliza iha area Manuwe-Matan, Kaiboki Maneki’ik, aldeia Mane-haat, suku Caraubalo .

Partisipa iha sorumutu ne’e kompostu husi ekipa ADB kompostu mós husi tekniku sira no husi parte Autoridade Munisípiu kompostu husi Sekretariu Munisipál PIDI, Xefe Gabinete PAM, Asesór PAM, Diretór Servisu Munisipál no Delegasaun Territoriál, Administradór Postu Administrativu ho Xefe Suku Caraubalo.

#Media PAM