Viqueque, 05 Fevereiru 2026, Sua Exelénsia Prezidente Autoridade Munisípiu Sr. Francisco C.S de G. Soares, akompañia husi Autoridade Munisipál sira ba halo observasaun ba projetu rehabilitasaun merkadu Olobai, area Wesa, suku Caraubalo, kinta-feira ne’e.
Hodi observa direta progresu ezekusaun fiziku refere no tuir informasaun husi tékniku enjiñeiru PDIM (Planu Dezenvolvimentu Integradu Munisipál) informa katak, projetu ne’e rasik sei finaliza iha fulan ne’e.
Atualmente progresu fiziku atinji ona porsentu 98 ne’ebé preve husi orsamentu munisipál tinan 2025 ho orsamentu $. 273,951.88 ne’ebé konstrui husi kompañia CANIELA UNIPESOAL,LDA.
