Viqueque, 05 Janeiru 2026, Sua Exelénsia Prezidente Autoridade Munisípiu, Sr. Francisco C.S de G. Soares, sai nu’udar inspetór serimónia isár bandeira nasionál, primeira semana, fulan janeiru tinan 2026, iha resintu edefísiu Administrasaun Munisipál Viqueque.
Iha intervensaun S.E. PAM hato’o boas entradas no husu ba diresaun ida-idak atu prepara an didi’ak hodi simulasi avaliasaun munisípiu hodi hakat ba desentralizasaun podér lokál ne’ebé sei akontese iha tinan ne’e.
Nune’e, Nia enkoraza ba parte hotu atu servisu hamutuk ba susesu munisípiu nian, labele haree ba kor politiku. “Maun Alin, Alin Maun, Nu’udar Baria Lolo Lain ba Malu”, “Maun Alin, Alin Maun Se Bok Oli, Tula Dikur ba Malu, Sé Bok Oli”.
Entertantu responsavél ba serimónia ne’e, responsabiliza husi ekipa konjunta servisu munisipál Administrasaun Munisípiu.
