Viqueque, 06 Janeiro 2026, Sua Exelénsia Prezidente Autoridade Munisípiu Sr. Francisco C.S de Gonzaga Soares konvoka enkontru hamutuk ho Diretor Saúde , Diretor Terras e Propriedades, Asesor no Xefe Departamentu Saúde na’in 2, iha Sala vizita PAM .

Objetivu husi enkontru ne’e, relata kona-ba estatutu rai ne’ebé atu konstrui hospitál Munisípiu Viqueque, sei finansia husi ADB (Asian Development Bank).

Liu husi enkontru ne’e Exelénsia PAM informa ba Diretór Munisipál saúde Viqueque, hodi aselera rekezitu ne’ebé parseiru dezenvolvimentu presija nune’e tempo badak nia laran bele harii ona konstrusaun refere.

Entertantu rai refere, komunidade sira entrega ona ba Autoridade Munisipál Viqueque hodi entrega ba Ministeriu Saude iha tinan 2025 ho medida 200 × 100, lokaliza iha area Manuwe-Matan, Kaiboki Maneki’ik, aldeia Mane-haat, suku Caraubalo .

Kobertura: Lolaline Ribeiro (Ofisiál Gabinete PAM).