SEREMONIA TOMADA DE POSSE SEKERTARIO MUNISIPIU VIQUEQUE
27 April 2023SEREMONIA TOMADA DE POSSE SEKERTARIO MUNISIPIU VIQUEQUE
Sua Excia. Vice Ministro Administrasaun Estatal (MAE) Sr. Lino de Jesus Torrezão ho Komitivas,to’o iha Administrasaun Munisipiu Viqueque ne’ebe Simu Husi Administrador Munisipiu Viqueque Sr. Januario Soares “BOLLY” liu husi Jestu Tara Tais no Akompanhia ho hadaur e lore hasoru, hodi hatudu sintidu kulturais Munisipiu Viqueque.
Iha atividade Tomada de Posse ba Sekretario Munisipiu Viqueque foun Sr. Teotonio Sarmento da Silva.
Ceremonia Tomada de Posse Sekretario Munisipiu Viqueque foun Sr. Teotonio Sarmento da Silva, liu husi Komprimisiu de Honra, ne’ebe simu Posse Direita husi Sua. Vice Ministro Administrasaun Estatal (MAE) Sr. Lino de Jesus Torrezão, iha Salaun Administrasaun Munisipiu Viqueque iha loron 26 Fulan Abril Tinan 2023.
Sekretario Sesante Sr. José da Costa de Sousa Hand Over Servisu Sekertario Munisipiu ba Sekertario Empossada iha Salaun Administrasaun Munisipiu Viqueque.
Foto hamutu e Enseramentu
Tersa Feira Dia 7 De Marsu De 2023
Admnistrasaun Munisipio Viqueque Liu Husi Servisu Munisipal Apoiu Ong No Oc Hala’o Sorumutu Konaba Harmonizasaun Entre Servisu Munisipal Ho Parseiro Dezenvolvimentu Sira Atu Halo Koordenasaun Atividade Sira Ne’ebe Maka Parseiru Sira Halo Hodi Responde Ba Problema Sosial Iha Komunidade Munisipiu Viqueque Nia Le’et.
Sorumutu ida ne’e partisipa husi Diretores Servisu Munisipal, Sosiadade Sivil, ONG Nasional no International ne’ebe maka hala’o atividade iha Munisipiu Viqueque.
Tuir Deklarasaun Husi Diretor Apoiu ONG no OC Munisipiu Viqueque katak ‘’Objetivu prinsial husi sorumutu ida ne’e maka atu Asegura, Granati Transparensia no Responsabilidade husi entidade hotu ba Interese Públiku hodi involve an iha prosesu ho hanoin konstrutivo no hametin liu tan kooperasaun Institusional ho parseiru Governu liu husi Harmonizasaun Planu no programa sira hodi dezenvolve ita nia munisipio rasik.
Entertantu Respresentante Administrador Munisipio Sr. Teotonio Soares da Silva Diretor Servisu Munisipal Asaun Sosial esklarese katak ‘’ho presensa husi ONG Nasional no Internasional iha Munisipiu Viqueque nudar liman ain husi Governu nian ne’ebe apoiu ita nia komunidade hodi Eleva sira nia hanion tradisional ba iha modern nuné bele hasa’e sira nia kapasidade no rendementu ekonimia iha familia hodi kontribui ba prosesu dezenvolvimentu ne’ebe maka la’o dadaun hela iha ita nia rai Timor espesialmente iha Munisipiu Viqueque.
DILI, 26 janeiru 2022 (TATOLI)—Diretór Servisu Edukasaun munisípiu Viqueque, Emidio Amaral, informa, konstrusaun eskola 18 iha Viqueque, ne’ebé Ministériu Edukasaun Juventude no Desportu (MEJD) entrega ba grupu komunitáriu, sei hahú iha fulan-fevereiru nia-laran.
“Ministériu transfere ona ba konta bankária grupu komunitáriu, ne’ebé konstrusaun sei hahú fulan oin, ho durasaun serbisu fulan-neen,” Diretór servisu munisipál ne’e hateten ba Agência TATOLI, liu telefónika, kuarta ne’e.
Aleinde ne’e, grupu komunitáriu preparadu ona no hein implementasaun projetu.
“Iha prosesu sei envolve mós xefe suku hamutuk ho komunidade responsavél ba konstrusaun. Tanba ne’e ha’u husu ba grupu responsavél sira tenki garante kualidade hodi uza infraestrutura ba tempu naruk,” nia akresenta.
Antes ne’e, grupu komunitáriu ne’ebé sei toma-konta ba konstrusaun eskola tuir ona formasaun téknika iha semana kotuk.
Nune’e, grupu ida-idak sei ba foti osan iha konta bankária hodi halo hahú obra. Iha munisípiu Viqueque sei konstrui eskola iha postu Viqueque villa, Ossu, Uatucarbau no Uatulari, ho kustu ba eskola 18 hamutuk $1.781.991,94.
“Ha’u haree iha postu Viqueque villa, Eskola Ensinu Báziku Sentrál Cabira-oan maka horiseik grupu sira sobu ona uma eskola tuan, maibé seidauk halo konstrusaun tanba sei hahú hotu iha fulan-fevereiru. Eskola Cabira-Oan hetan sala tolu ho montante orsamentu $52.836,14 ba,” nia dehan.
DILI, 24 janeiru 2022 (TATOLI)–Administradór munisípiu Viqueque, Januário Soares ‘Bolly’, informa, daudaun ne’e administrasaun munisipál halo hela esforsu hodi kompleta rekursu umanu ba diresaun sira, iha ámbitu implementasaun lei poder lokál dezentralizasaun administrativa.
“Preparasaun simu poder lokál dezentralizasaun administrativa finansa munisipál, ba ami-nia nia parte sei kompleta tan diresaun ne’ebé seidauk iha, maibé fazeadamente hahú hosi Liquiçá, Ermera no Aileu, hafoin munisípiu seluk,” Administradór hateten ba Agência TATOLI, via telefónika, segunda ne’e.
Preparasaun estrutura iha munisípiu Viqueque seidauk kompleta hotu, nune’e iha tinan ne’e sei prienxe estrutura iha munisípiu ne’ebé mamuk no sei loke vaga ba públiku hodi ema ne’ebé iha interese bele konkorre kompleta estrutura.
Rekursu umanu iha munisípiu Viqueque maka hanesan diresaun rekursu umanu, patrimóniu no lojístika, agrikultura, saúde, edukasaun, planeamentu, inklui sei kompleta diresaun seguransa alimentár no diresaun Sosiál.
Kona-ba lei podér lokál, Governu sentrál entrega kompeténsia ba autoridade lokál munisipál hodi jere programa no orsamentu ne’ebé haruka bá munisípiu.
“Hanesan mós daudaun munisípiu tenki hatama proposta ba Governu sentrál hodi hetan aprovasaun mak foin implementa programa. Nune’e, ho poder ida-ne’e maka dezentralizasaun ba munisípiu no orsamentu hodi munisípiu deside rasik planu saida maka atu implementa,” nia akresenta.
Difikuldade ida bainhira laiha poder lokál mak finansa munisipál labele la’o, no bainhira munisípiu implementa programa ida mak sei hasoru difikuldade no presiza nafatin apoiu hosi Governu sentrál.
“Karik Governu sentrál entrega podér ne’e, ami munisípiu hotu prontu implementa dezentralizasaun administrativa finansa munisipál iha ami idaidak ninia munisípiu rasik,” Administradór otimista.
Aleinde ne’e, munisípiu Viqueque iha ninia rekursu naturál ne’ebé sai potensiál liu maka hanesan setór agrikultór, fatin turizmu, no peska ne’ebé rekursu hirak ne’e maka presiza dezenvolve, nune’e ba futuru munisípiu bele iha reseita própria.
“Investivementu sira ne’ebé la’o iha Viqueque maka setór agrikultura de’it, ne’ebé to’o ohin loron ita seidauk hatama reseita ba Estadu. Atu hatama reseita ba munisípiu foin maka kria diresaun turizmu, enkuantu ba rekursu naturál seluk maka fatuk no rai henek tanba daudaun ema foti gratuita de’it, tanba ne’e ami sei halo regulamentu ida, nune’e bainhira ema foti rekurusu naturál tenki selu hodi hatama reseita ba munisípiu,” nia dehan.
DILI, 20 janeiru 2022 (TATOLI)–Diretór Planu Nasionál Dezenvolvimentu Suku (PNDS) munisípiu Viqueque, Higinio Pozinato e Silva, informa, progresu konstrusaun Uma Kbiit Laek (UKL) hamutuk unidade 108 iha munisípiu Viqueque, janeiru ne’e atinji ona 70%.
“Konstrusaun Uma Kbiit Laek iha munisípiu Viqueque atu finaliza ona, maibé ita iha difikuldade ba distribuisaun materiál. Balun hotu ona no balun foin lalais ne’e paradu tanba kalen tuir padraun nasionál maka hotu maibé daudaun la’o fali ona,” Diretór PNDS munisípiu Viqueque hateten ba Agência TATOLI, via telefónika, kinta ne’e.
Maski nune’e, iha ona data tentativa ba seremónia inaugurasaun UKL iha loron 27 janeiru 2022.
“Ita sei hein ekipa PNDS no suku Caraubalho nia preparasaun ba seremónia inaugurasaun,” nia akresenta.
Konstrusaun UKL iha munisípiu Viqueque, iha aldeia Fahi-luhan, suku Uma-tolu, postu administrativu Lacluta foin atinje 20%, tanba dalan liga ba suku kotu nune’e labele distribui materiál konstrusaun.
“Foin halo pondasi, agora ita aloka materiál hanesan semente, besi no bataku ba ladi’ak tanba dalan kotu, nune’e ami halo pedidu ba Institutu Jestaun Ekipamentu, Institutu Públiku (IGE, I.P-sigla portugés) atu hadi’a dalan maibé to’o agora sira seidauk mobiliza,” nia dehan.
Tuir Responsável programa ne’e, obstákulu ne’ebé agora ekipa hasoru iha terrenu maka klima tanba agora tempu udan, liuliu asesu dalan ba suku Nareka, Uaibobo no Liaruka iha postu Ossu.
Programa VIII Governu liuhosi Ministériu Administrasaun Estatál (MAE) ne’e aloka orsamentu hamutuk millaun $25 hodi konstrui UKL iha territóriu Timor-Leste unidade 1.272 iha tinan 2021, ne’ebé suku ida hetan uma tolu inklui munisípiu Viqueque ho suku 36 benefisia uma 108.