Exelénsia Prezidente Autoridade Munisipál (PAM) Viqueque, Sr. Francisco Cruz Simões de Gonzaga Soares, hamutuk APA na’in 5, Xefi Suku 38 iha munisípiu Viqueque partisipa iha sorumutu atividade Ekonomia Azul, iha salaun auditoriu Kay Rala Xanana Gusmão Ministériu Finansas, Aitarak Laran.

Atividade_Diária_PAM

Dili, 21 Outubro 2025, Exelénsia Prezidente Autoridade Munisipál (PAM) Viqueque, Sr. Francisco Cruz Simões de Gonzaga Soares, hamutuk APA na’in 5, Xefi Suku 38 iha munisípiu Viqueque partisipa iha sorumutu atividade Ekonomia Azul, iha salaun auditoriu Kay Rala Xanana Gusmão Ministériu Finansas, Aitarak Laran.

Objetivu ba sorumutu ne’e, hodi kontinua promove tasi no area branka sira, riku soin ne’ebé iha tasi laran inklui ai horis ne’ebé fó matak ba area turistiku.

Sorumutu refere ofisiálmente abertura husi Sua Exelénsia Primeiru Ministru Sr. Kay Rala Xanana Gusmão.

Iha intervensaun S.E Primeiru Ministru xamada atensaun ba Prezidente Autoridade Munisipál relasiona ho programa konsulta públika kona-ba politika no planu asaun Ekonomia Azul.. Exelénsia PM mós nafatin fó hanoin ba PAM, APA 5, Xefi Suku sira, munisípiu ne’ebé hela besik tasi atu kuidadu lixu ne’ebé estraga tasi. Proteze nafatin balada no ai parapa sira ne’ebé fo mahon no buras ba Tasi.

Partisipa iha enkontru ne’e kompostu husi membru IX Governu Konstitusionál ho Prezidente Autoridade Munisípiu sira, Prezidente Autoriedade Atauro, Administradór Postu Administrativu ho Xefi Suku iha territóriu Timor Leste.

Kobertura: Zeca Simões (Ofisiál Gabinete PAM)