Viqueque, 05 Fevereiru 2026, Responde ba preokupasaun ho komunidade suku Maluru, Postu Administrativu Viqueque Vila, Sua Exelénsia Prezidente Autoridade Munisípiu Sr. Francisco C. S. de G. Soares, fó autorizasaun ba diresaun servisu munisipál PNDS (Programa Nasionál Dezenvolvimentu Suku), Sr. Francisco Soares Varela hodi reativa fali programa konstrusaun ba suku Maluru.
Tanba durante tinan 4 programa PNDS labele implementa iha suku ne’ebá ho razaun area refere governu planu ona hodi konstrui projetu Planta LNG (Liquefied Natural Gas) iha Beaco.
Ne’e duni, S.E. PAM husu ba lideransa komunitária no komunidade sira labele halo impedimentu ba dezenvolvimentu ne’ebé tama iha suku laran, intervensaun ne’e Prezidente Autoridade hato’o liuhusi sorumutu audiénsia ho lideransa komunitária suku Maluru akompañia mós husi Diretór Servisu Munisipál PNDS, iha sala vizita PAM.
Entertantu tinan ida ne’e (2026), sei implementa projetu 3 ho totál orsamentu $.55.215,61. Kompostu husi projetu regular 1 mak hanesan projetu konstrusaun sistema irigasaun aldeia Maluro ho orsamentu $.25.215,61 no projetu adisionál 2 mak hanesan, refertoriu merenda eskolar EBC Comandante Rosito Beaco $.15.000 no alargamentu sede suku $.15.000.
