Viqueque, 30 Janeiru 2026, Exelentisímu Diretór Servisu Munisipál ONG-OC, Sr. Cosme Sarmento, reprezenta Exelénsia Prezidente Autoridade Munisípiu Viqueque, Sr. Francisco C.S de G. Soares, akompañia Sua Exelénsia Prezidente Tribunál Rekursu Dr. Afonso Carmona.
Hodi hand over site project ba kompañia vensedór Bonavide Unipesoal, Lda ba projetu konstrusaun edifísiu Tribunál Judisiál Primeira Instánsia Viqueque, iha area Olobai, aldeia Lamac Laran, Suku Caraubalo, Postu Viqueque Villa.
Diretór SM ONG-OC Exelénsia Prezidente Autoridade Munisípiu Viqueque, labele marka prezensa tanba sei partisipa enkontru iha nasionál.
Nune’e reprezenta Prezidente Autoridade hato’o agradese ba governu sentrál liuhusi Prezidente Tribunál Rekursu tanba bele ona mai hodi entrega dokumentu ofisiál ba kompañia hodi konstrui edifísiu Tribunál Judisiál.
Momentu importante ne’e fó espasu pozitivu mai iha autoridade no komunidade Viqueque hodi responde ba nesesidade komunidade hotu nian. Ne’e duni, husu ba kompañia vensedór atu bele konklui konstrusaun refere tuir tempu ne’ebé determina.
Partisipante iha serimónia refere, kompostu mós Autoridade Munisipál, Komandante PNTL Munisípiu, Lideransa Komunitaria, Emprezariu nomós Komunidade sira.
