Viqueque, 28 Novembru 2025
Exelentísimu Prezidente Autoridade Munisípiu, Sr. Francisco C.S. de G. Soares, simu ekipamentu agrikultura no pekuaria husi Membru Governu Ministeriu Agrikultura Pekuária Peskas no Florestas (MAPPF) ne’ebé lidera husi Sua Exelénsia Ministru Sr. Marcos da Cruz no hetan bensaun husi Pe. Tomas de Aquino G.L da Cruz, Paroku Nossa Senhora Imaculada da Conceição Viqueque.
Iha intervensaun Exelentísimu PAM lori Autoridade Munisipál hato’o agradese ba S.E. Ministru ho ekipa MAPPF ne’ebé apoiu ona ekipamentu sira ne’e mai Viqueque. Parte autoridade prontu kolabora no koopera ho Ministériu iha kualker programa agrikultura nian.
Ne’e duni, Nia husu ba Autoridade Munisipál sira hotu, liuliu parte diresaun servisu munisipál Agrikultura ho Lojístika atu kuida konfiansa ne’ebé estadu fó ba munisípiu atu nune’e sasan bele to’o ba komunidade sira hodi hasa’e produtu lokál no kreximentu ekonomia munisípiu ho bele tulun mós hasa’e kreximentu ekonomia familia.
Ekipamentu ne’ebé distribui maka hanesan, makina Traktor kubota mediu unidade 3, makina kuda hare unidade 10, makina koa hare unidade 5, rak/bandeza viverus fatin. Inklui ekipamentu peskas hanesan, Bero ne’ebé sei entrega direta ba grupu sira ne’ebé hato’o pedidu ba MAPPF, Jeleira, Cool box, jaket, tali no ankora.
Aleinde ekipamentu Agrikultura no Peskas nian, Exelentísimu Prezidente Autoridade simu mós transporte ambulánsia ne’ebé apoiu husi Ministériu Saúde hodi ajuda servisu munisipál Saúde hodi tula pasiente sira.
