Viqueque, 28 Janeiru 2026, Sua Exelénsia Prezidente Autoridade Munisípiu, Sr. Francisco C.S de G. Soares, akompañia husi Asesór Planeamentu Dezenvolvimentu Lokál, simu audiénsia husi parseiru dezenvolvimentu PLAN Internasionál, lidera husi Livania Gomes nu’udar leader ba projetu CSO’S Strengthening.
Objetivu husi audiénsia ba loron ohin ne’e, hodi introdús kona-ba projetu ho naran “Haforsa Sosiedade Sivíl ba Diversidade” ne’ebé implementa iha munisípiu Viqueque ho durasaun projetu tinan 3 no sei kobre ba postu administrativu 5 ne’ebé eziste iha Viqueque.
Relasióna ho introdusaun husi ekipa PLAN, Prezidente Autoridade relata katak, husi parte autoridade prontu atu koopera no kolabora ba susesu programa PLAN nian iha Viqueque.
Entertantu objetivu prinsipalmente husi projetu ne’e maka, atu haforsa sosiedade sivíl sira, oinsá bele kontinua hakbesik an ba komunidade sira, liuliu ba asuntu ema ho defisiente.
