@Atividade_Diária_PAM

Viqueque, 03 de Dezembru 2025,

Sua Exelénsia Prezidente Autoridade Munisípiu, Sr. Francisco C.S de Gonzaga soares, distribui ekipamentu elektroniku (tablet) hamutuk unidade 15 ba funsionáriu PNDS sira, kuarta-feira ne’e, iha salaun Laline Autoridade Munisipál Viqueque (AMV).

Iha intervensaun Sua Exelénsia Prezidente Autoridade hatete, liu husi politika IX governu no governu anteriór ne’ebé utiliza Programa Nasionál Dezenvolvimentu Suku ( PNDS) sai hanesan programa primadona atu lori dezenvolvimentu besik liu ba povu sira iha baze. Ne’e duni, husu funsionáriu atu utiliza tablet ne’ebé distribui ho responsabilidade hodi apoiu servisu iha terrenu. Liuliu fasilita informasaun relasióna ho rezultadu implementasaun servisu mai iha munisípiu.

Ekipamentu hirak ne’e, apoiu husi parseiru dezenvolvimentu PARTISIPA ba funsionáriu tékniku, finansas no sosiál postu administrativu 5 no kada postu ida sei hetan tablet 3.

Entertantu partisipa mós iha enkontru ne’e, dirijente munisípiu, ekipa parseiru dezenvolvimentu PARTISIPA no funsionáriu munisípiu inklui postu sira.

Kobertura: Lolalina Ribeiro (Ofisiál Gabinete PAM).