Atividade_Diária_PAM
Viqueque, 23 Dezembru 2025, Sua Exelénsia Prezidente Autoridade Munisipál, Sr. Francisco C.S de Gonzaga Soares, ofisiálmente halo abertura sorumutu avaliasaun ba progresu servisu tinan 2025 husi diresaun servisu munisipál no postu administrativu 5, iha salaun Laline-AMV.
Iha intervensaun S.E. PAM hatete katak, “enkontru ohin importante tebes, atu ita bele reflete buat barak liga ho rezultadu servisu no ezekusaun orsamentu, oinsá ita bele fahe esperiénsia ba malu hodi sai hanesan lisaun ida no ita tenke aprende husi lisaun ne’e rasik hodi bele hadia di’ak liután iha 2026”.
Aleinde avaliasaun kona-ba rezultadu servisu tinan 2025, avalia mós kona-bá progresu ezekusaun orsamentu 2025 no deziminasaun kona-bá oinsá prepara pedidu adiantamentu, pedidu pagamentu finál no prepara relatoriu adiantamentu, ne’ebé aprezenta husi diresaun servisu munisipál Finansas.
Entertantu partisipante iha sorumutu ne’e, kompostu husi Sekretáriu Munisipál asuntu PIDI ho asuntu Sosiais, Xefe Gabinete, Asesór PAM, Diretór Servisu Munisipál, Administradór Postu Administrativu, Xefe Departamentu no Xefe Seksaun Postu Administrativu sira.
Atividade_Diária_PAM
Tersa-feira ne’e, Exelénsia Prezidente Autoridade Munisipál, Sr. Francisco C.S de Gonzaga Soares, simu audiénsia husi Xefe Suku Uaguia, Veteranus, Profesór no Komunidade sira, akompañia mós husi Sekretáriu Munisipál Asuntu PIDI, Diretór Servisu Munisipál Edukasaun no Superentendente Edukasaun.
Sorumutu ne’e, realiza iha sala vizita PAM hodi aprezenta sira-nia lamentasaun relasióna desizaun Governu, liu husi Ministériu Edukasaun hodi suspende totalmente atividade inskrisaun ba estudante foun anu letivu 2026 iha eskola Paralelu Ensinu Sekundáriu Jerál Olokasa, suku Uaguia, Postu Administrativu Ossu.
Desizaun referida, prezudika tebes lideransa, komunidade, tanba komunidade preukupa tebes sira-nia oan sira tenke la’o ho ditansia dok (8 kilómetru) hodi bele asesu ba eskola.
Relasióna ho lamentasaun hirak ne’e, Exelénsia PAM husu ba sira hodi prepara karta lamentasaun hodi enkamiña karta mai Prezidente Autoridade. Nune’e bele enkamiña fali ba Sua Exelénsia Ministru Administrasaun Estatál (MAE) hodi bele diskute ho Sua Exelénsia Ministra Edukasaun hodi solusióna ba asuntu refere.
Atividade_Diária_PAM
Viqueque, 20 de Dezembru 2025, Sua Exelénsia Prezidente Autoridade Munisipál, Sr.Francisco C.S de Gonzaga Soares, inagura projetu 2 PNDS tinan 2025, lokaliza iha Suku Uaitame , Postu Administrativu Uatulari.
Hanesan kontrusaun ponte sana liga ba EBF Ualake ho medida naruk metru 7 no ponte ninia luan metru 4,50 ho totál orsamentu ne’ebé alokadu 22,053,38. Nune’e ba projetu manutensaun bee-moos iha aldeia Foho-Manu totál ho orsamentu $3,387.50.
Intervensaun Eselénsia PAM ” Husu ba autoridade sira no mos lider komunitáriu sira labele impede dezenvolvimentu ne’ebé atu tama , kopera nafatin ho nune’e dezenvolvimentu ita hahú halo ho neneik maibé bebeik .Husu ba ita hotu manten estabilidade tamba hetan ona notifikasaun katak projetu 7 sei tau iha Postu Uatolari ho nune’e mai ita hotu kolabora hamutuk no hatetuk ba povu nia moris diak “
Entertantu partisipa iha serimónia inagurasaun obra PNDS kompostu husi diretór Servisu munisipál, autoridade lokál, veteranu, profesór, estudante no kumunidade suku Uaitame.
Viqueque, 19 Dezembru 2025, Dirijente ho Funsionáriu Servisu Munisipál Administrasaun, Delegasaun Territoriál no Administrasaun Postu Administrativu Viqueque Vila, hala’o atividade Limpeza jerál, iha area kapital munisípiu.
Hahu husi area Beloi mai to’o monumentu 59, Merkadu, Pemancar, edifísiu STAE, sede suku Caraubalo to’o Dom Jerimeas.
Atividade_Diária_PAM
Viqueque, 18 Dezembru 2025, Sua Exelénsia Prezidente Autoridade Munisípiu Sr. Francisco C. S. de G. Soares, hato’o agradese ba ekipa MAE ne’ebé lidera husi Sekretariu Ezekutivu PNDS, Sr. Amandio P. G. do R de Sousa, fasilita ona formasaun kona-ba atualizasaun dadus administrativa ba sistema elektronika ba Autoridade Munisipál, Postu no Lideransa Komunitária sira.
Formasaun ne’e, realiza durante loron 2, hodi sensibiliza kona-ba sistema prienxementu ka atualizasaun baze dadus eleitorál, SIIGSA, Balkaun Úniku, Portal Munisipál no Pérfil Munisipál no iha loron ikus (19 dezembru 2025) ekipa MAE sei vizita direta suku sira hodi monitoriza no akompañia insersaun dadus.
Tanba liu husi formasaun hirak ne’e, ajuda tebes munisípiu hodi aselera insert informasaun ba sistema baze dadus elektróniku. Nune’e atualmente atualizasaun baze dadus informasaun autoridade munisipál, dadus demografia no monografia, fixa familia ba Portal Munisipál no Sistema Integradu Informasaun no Jestaun Dadus Suku no Aldeia (SIIGSA) atinji ona porsentu %87.
Partisipante iha atividade ne’e, kompostu husi Sekretáriu Munisipál, Xefe Gabinete PAM, Administradór Postu Administrativu 5, Asesór PAM, Diretór Servisu Munisipál, Xefe Suku 38, Xefe Departamentu no funsionáriu sira.
Atividade_Diária_PAM
Viqueque, 17 Dezembru 2025, Sua Exelénsia Prezidente Autoridade Munisípiu, Sr. Francisco C.S de G. Soares, hato’o agradese ba ekipa MAE ne’ebé lidera husi Xefe Departamentu Diresaun Nasionál Apoiu Implementasaun Planeamentu no Dezenvolvimentu Integradu (DNAIPDI), Sr. Cosme Saldanha.
Intervensaun ne’e S.E PAM hato’o, liuhusi Nia diskursu no ofisiálmente hodi ensera mós atividade asisténsia téknika kona-ba Planu Investimentu Munisipál (PIM) no Rejime Juridiku Aprovizionamentu PDIM ba autoridade no funsionáriu sira, durante loron 2, iha salaun CNE.
Nune’e, iha Nia mensajen husu ba tékniku sira atu presta servisu sira ho kualidade maske ho limitasaun ne’ebé sira hasoru, maibé nafatin kria komunikasaun di’ak entre ekipa sira.
Entertantu partisipa iha serimónia ne’e, kompostu husi ekipa nasionál MAE, Diretór servisu munisipál PDIM, Obras Publikas, Ajénsia Fiskalizasaun, reprezentantu APA no funsionáriu sira.
Atividade_Diária_PAM
Viqueque, 17 Dezembru 2025, Exelentísimu Prezidente Autoridade Munisípiu, Sr. Francisco C.S de G. Soares, ofisiálmente abertura atividade atualizasaun baze dadus administrativa ne’ebé fasilita husi ekipa konjunta Ministériu Administrasaun Estatál (MAE) ba autoridade no funsionáriu IT sira, durante loron 3 (17-19 dezembru 2025), iha salaun Laline AMV.
Iha intervensaun Exelentisimu PAM, hato’o agradese ba ekipa MAE ne’ebé lidera husi Exelensia Sekretariu Ezekutivu PNDS tanba bele mai ona hodi sensibiliza informasaun kona-ba atualizasaun dadus, verifika no halo reajustamentu. Ne’e duni, Prezidente Autoridade husu ba autoridade no funsionariu sira hotu atu partisipa ho maximu, nune’e bele kompriende didi’ak kona-ba insert dadus ba sistema elektronika.
Atualizasaun baze dadus ne’e, realiza ba despashu Sua Exelénsia Ministru Administrasaun Estatál, Sr. Tomás do Rosário Cabral ho Nú. 48/M-MAE/XII/2025 hodi fó orientasaun ba DG-DGL organiza sorumutu refere ho autoridade munisipál sira.
Hodi atualiza baze dadus, eleitorál, Sistema Integradu Informasaun no Jestaun Dadus Suku no Aldeia (SIIGSA siglá portugés), Balkaun Úniku, Portal Munisipál no Profile Munisipál. Nune’e, bele aselera transformasaun dijitál no desentralizasaun administrativa, liu husi estabelesimentu sistema integradu dadus entre nivél nasionál, munisipál to’o suku.
Nu’udar indikadór xave ba relatóriu avaliasaun kondisaun minimu autoridade munisípiu hodi hakat ba desentralizasaun podér lokál ne’ebé sei akontese iha futuru.
Atividade_Diária_PAM
Viqueque, 16 Dezembru 2025, Tersa-feira ne’e, Sua Exelénsia Prezidente Autoridade Munisípiu, Sr. Francisco C. S. de G. Soares, hala’o sorumutu ho ekipa husi Ministériu Koordenadór Asuntu Sosiais (MKAS), lidera husi Koordenadór, Unidade Juventude Desportu Arte no Kultura Sr. Oldegar M. Soares Francisco, hamutuk ho Autoridade Munisipál sira, iha salaun VIP-AMV.
Objetivu husi sorumutu ne’e, hodi halo koordenasaun no fó koñesimentu ba Prezidente Autoridade relasióna ho atividade levantamentu dadus ba diresaun servisu munisipál Saúde, Edukasaun no servisu delegasaun territórial MSSI durante loron 3 (16-19) no sei foku liubá progresu no dezafiu husi implementasaun servisu sira durante ne’e.
Hanesan iha setór saúde sei liga liubá mekanismu distribuisaun aimoruk, SOP, asuntu mall nutrisaun. Edukasaun kona-ba andamentu programa merenda eskolár, konsesoens eskolár, sistema kontrolu ba manorin na’in sira no Infraestrutura. MSSI haree liubá subsidiu sira ne’ebé eziste Viqueque, dezafiu, mekanismu rezolusaun ba problema no seluk tan.
Entertantu MKAS atualmente lidera husi Sua Exelénsia Sr. Mariano Assanami Sabino, Vise Primeiru Ministru II, Ministru Dezenvolvimentu Rurál no Habitasaun Komunitária, Ministru Koordenadór Asuntu Sosiais.
@Atividade_Diária_PAM
Viqueque, 15 Dezembru 2025, Sua Exelénsia Prezidente Autoridade Munisípiu Viqueque, Sr. Francisco C.S de Gonzaga Soares, ofisiálmente abertura ba atividade avaliasaun kondisaun mínimu husi Diresaun Jerál Desentralizasaun Governu Lokál-Ministériu Administrasaun Estatál (MAE)ba autoridade munisipál Viqueque.
Avaliasaun ne’e realiza bazeia ba despaixu nú. 48/M-MAE/XII/2025, kona ba “criação a comissão coordenadora das atividades de avaliação das condições minimas nos Municipios e as equipas municipais de avaliação das condições minimas”
Objetivu husi sorumutu ne’e, hodi avalia kapasidade administrativa no finanseira ho pontu prinsipál 3 maka, halo diagnóstiku ba pontu fraku, forte no identifika nesesidade nesesariu munisípiu sira ba preparasaun desentralizasaun podér lokál.
Hafoin abertura iha salaun Laline, ekipa avaliadór MAE ne’ebé lidera husi Diretór Jerál Sekretariadu Tékniku Administrasaun Eleitorál (STAE), Sr. Elviro Fernandes Moniz, kontinua kedas halo avaliasaun ba kada diresaun servisu munisipál, iha salaun VIP-AMV.
Entertantu partisipa iha serimónia ne’e, kompostu husi Dirijente Nasionál MAE ho komitiva, Sekretáriu Servisu Munisipál, Xefe Gabinete PAM, Asesór, Diretór no Xefe Departamentu sira.
@Atividade_Diária_PAM
Viqueque, 12 Dezembru 2025, Sua Exelénsia Prezidente Autoridade Munisipál Viqueque Sr. Francisco C.S de Gonzaga Soares, hato’o agradese ba ekipa nasionál husi Ministériu Administrasaun Estatál (MAE), liu husi Diresaun Jerál- Dezenvolvimentu Governasaun Lokál (DG-DGL siglá portugés), ne’ebé mai ona dezimina informasaun durante loron 4 ba autoridade no funsionáriu sira.
Tanba liu husi formasaun bele ajuda munisípiu Viqueque prepara an ba desentralizasaun podér lokál no Prezidente Autoridade espera katak formasaun durante loron 2, bele ajuda servisu autoridade sira hodi foti desizaun, liuliu liga ho asuntu planeamentu no orsamentu.
Entertantu materia ba formasaun loron da-ruak nian foka liubá, Jestaun Projetu, Jestaun Aprovizionamentu, Jestaun Planeamentu no Finansas Munisipais nomós Monitorizasaun no Avaliasaun ba Dezenvolvimentu Administrasaun Lokál.
© 2026 Autoridade Municipal de Viqueque
