Viqueque, 01 juñu 2026 Sekretáriu Munisipál Asuntu Administrasaun no Finansas, Sr. Estevão de Carvalho, reprezenta Exelentisímu Prezidente Autoridade Munisípiu Sr. Francisco C.S de G. Soares, sai nu’udar inspetór serimónia hodi prezidi no lee diskursu Exelentisímu PAM.Iha ambitu serimónia isár Bandeira Nasionál RDTL semana dahuluk fulan juñu, iha resintu edefísiu Administrasaun Munisipál Viqueque.Nune’e iha mensajen Prezidente Autoridade husu ba dirijente sira hahu husi Sekretáriu Munisipál, APA, Asesór, Diretór no Xefe Departamentu no funsiónariu sira hotu atu hala’o servisu tuir regulamentu ne’ebé vigora iha lei Funsaun Públika.”Ita hotu iha responsabilidade atu hala’o knaar tuir lei no regulamentu sira ne’ebé vigora, liuliu tuir prinsípiu legalidade, transparénsia, imparsialidade, responsabilidade no integridade iha servisu públiku”, haktuir Exelentisímu PAM.Liuliu hametin disiplina no etika profesionál iha servisu fatin hodi hala’o knaar tuir lei no orientasaun governu nian nomós halo atendimentu ne’ebé di’ak no profisionál ba sidadaun sira. Evita pratika ne’ebé bele prezudika kredibilidade administrasaun publika no promove servisu hamutuk, unidade, solidaridade entre dirijente no funsiónariu sira.Entertantu responsavél ba serimónia isár bandeira fulan ida ne’e, kompostu husi servisu munisipál Saúde, MSSI, EDTLU.EP ho STAE
Tersa Feira, 26 Marsu 2026-𝐒.𝐄. 𝐏𝐫𝐢𝐦𝐞𝐫𝐮 𝐌𝐢𝐧𝐢𝐬𝐭𝐫𝐮, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, halo abertura ba reuniaun “Konsellu Koordenasaun Territorial ba Prezidente Autoridades Munisipais”.
Nu-entantu iha intervensaun, 𝐒.𝐄. 𝐌𝐀𝐄, 𝐓𝐨𝐦á𝐬 𝐝𝐨 𝐑𝐨𝐬á𝐫𝐢𝐨 𝐂𝐚𝐛𝐫𝐚𝐥, hateten, liu husi planu annual mak sei produz orsamentu ba tinan 2027, tanba orsamentu sei aprova bazeia ba planu annual no planu ezekusaun ne’ebe iha, nune’e husu ba Autoridade Munispal ida-idak atu komesa identifika projetu hirak ne’ebé Munisípiu ida-idak persiza hodi enkaixa ba iha planu annual.
S.E. Ministru MAE, afirma liu tan, sorumutu ida ne’e, atu hamutuk trasa futuru ba ita-nia territóriu no bem-estar populasaun. No Órgaun deliberativu MAE nian atu ajusta Planeamentu Integradu Munisipál husi nível lokál ba programa prioridade investimentu PNDS ho PDIM, ho objetivu Loke dalan ba orsamentu no investimentu ne’ebé responde duni ba nesesidade baze iha munisípiu.
Tuir Ministru katak, Ajusta Planu Asaun Anuál no Orsamentu munisipál atu tuir tetu husi Ministériu Finansas, bazeia ba konsulta sidadania iha kada munisípiu. Koezaun Territoriál Garante ekonomia buras la’ós iha sentru de’it, kombate asimetria rejionál no Proposta OJE 2027 Aprezenta orsamentu munisipál ba Orsamentu Jerál Estadu 2027.
Konsulta Sidadania Garante rezultadu konsulta públiku tama ba orsamentu ho nia prinsipiu mak La iha ministériu/munisípiu ida mesak transforma nasaun. Susesu depende ba fahe knar no diálogu
S.E. Ministru MAE, husu mos ba diretores sira, atu Komitmentu total ho transparénsia no koopera Obra Públiku Inspesaun rigor ba obra Edukasaun Kualidade ensinu no merenda eskolár, Saúde no tun ba baze atu hadi’a servisu ba komunidade.
S.E. Ministru haforsa liu tan ba autoridades sira kona-ba, Agrikultura munisipál presiza planeamentu terrenu produtivu atu hamenus importasaun no Servisu 21 husi nasionál delega ona ba autoridade munisipál. No Avaliasaun Kondisaun Mínimu ba 12 Munisípiu 5 hetan “diak tebes” Junhu 2026 Avaliasaun daruak atu haree rekomendasaun PM ho ekipa avaliadór husi fulan Marsu. no ikus liu mak Ministru apela ba Autoridade Lokál sira, mak Presiza planeamentu integradu ho akompañamentu no kontrolu ba servisu ne’ebé delega ona, atu prepara simu governu lokál iha futuru.
Nu-entantu, Iha reuniaun ne’e sei halo aprezentasaun kona-ba planu asaun annual, planu orsamentu munisipal, planu aprovizionamentu, planu formasaun rekursus umanus, no progresu servisu autoridade munisipal.
Iha reuniaun KKT ne’e, marka mós prezensa husi S.E. PM. RDTL, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨, ho S.E. Ministru MAPF, no S.E. Ministra Solidaridade Sosial, S.E. SEATOU no S.E. SEDL. Diretores servisu munisipál no nasionál
Viqueque, 25 Maio 2026
Sekretáriu Munisipál Asuntu Administrasaun Finansas, Sr. Estevão de Carvalho, reprezenta Exelentisímu Prezidente Autoridade Munisípiu Sr. Francisco C.S de G. Soares, abertura sorumutu aprezentasaun relatóriu Avaliasaun Kondisaun Ezistente (AKE) no Avaliasaun Kondisaun Mínima (AKM), segunda-feira ne’e, iha salaun Edukasaun.
Atividade refere organiza husi Ministériu Administrasaun Estatál, liuhusi Diresaun Nasionál Promosaun Efisiénsia Administrasaun Lokál (DNPEAL) ne’ebé lidera husi Diretór, Sr. Agostinho da Costa ho ekipa.
Objetivu husi atividade ne’e, aprezenta rezultadu AKE no AKM ba desentralizasaun podér lokál ne’ebé hala’o husi MAE ba Autoridade Munisipál 12 inklui Autoridade Administrativu Atauro iha tinan 2025 liubá no entrega mós livru rezultadu avaliasaun ba Exelentisímu PAM, SEKAM na’in 3 no APA sira.
Nu’udar mós faze preparativu ba Autoridade Munisípiu Viqueque oinsá bele hadiak fila fali rekomendasaun sira hodi prepara ba avalisaun da-ruak ba desentralizasaun podér lokál, ne’ebé antes Viqueque hetan de’it valór bom husi Avaliasaun Kondisaun Mínimu ne’ebé realiza iha 2025.
Partisipa iha sorumutu ne’e kompostu husi Sekretáriu Munisipál, APA, Diretór Servisu Munisipál no funsiónariu sira.
Viqueque, 22 Maiu 2026
Proposta PAA, PIM no PNDS tinan 2027 ne’ebé aprezenta husi Autoridade Munisipál ba orgaun konsultativu munisipál pasa ho votasaun maioria a favor husi membru inerente Conselho Consultivo Municipal (CCM) 46 ne’ebé prezente, tanba proposta hirak ne’ebé aprezenta reflete tebes ba nesesidade no bem estar munisípiu nian, liuliu bem estar povu nian ne’ebé foku liubá setór agrikultura no reseita munisípiu, aleinde ne’e fó mós pose ba membru CCM sira.Hanesan proposta Planu Asaun Anuál Munisipál Viqueque (PAA) 2027 ne’ebé aprezenta husi Diretór Servisu Munisipál Ajénsia Planeamentu, Sr. Marcos Rangel pasa ho votu Afavor (44), Abstensaun (2), Kontra (0).Ba proposta Planu Investimentu Munisipál (PIM) 2027 liuhusi Fundu Kapitál Dezenvolvimentu ho projetu prioridade (48) ne’ebé aprezenta husi Diretór Servisu Munisipál PDIM, Sr. Joaquim Fernandes, pasa ho votu Afavor (43), Abstensaun (3), Kontra (0).Iha parte seluk proposta ba Programa Infraesturtura PNDS totál (71) ne’ebé nia prioridade akumulativu husi postu 5, suku 38 ne’ebé aprezenta husi Diretór Servisu Munisipál PNDS, Sr. Francisco S. Varela, pasa ho rezultadu votasaun unanimidade husi membru CCM (46). Husi rezultadu sorumutu CCM ne’ebé realiza iha salaun Laline Administrasaun Munisípiu Viqueque, Exelentisímu Prezidente Autoridade, hanesan mós Prezidente CCM, hato’o agradese ba membru CCM sira hotu ne’ebé fó ona votu afavor ba proposta prioridade munisípiu nian ba tinan 2027 no ba sujestaun konstrutivu sira. Nu’udar faze importante ida ba governasaun munisipál hodi kontinua hadia di’ak liután planeamentu, servisu públiku no programa dezenvolvimentu ba povu.Liuhusi sorumutu CCM ne’ebé realiza iha salaun Laline Administrasaun Munisípiu, sexta-feira ne’e, Exelentisímu Prezidente Autoridade mós husu membru CCM atu kontinua hametin unidade no komprimisu atu hamutuk hodi dezenvolve munisípiu Viqueque.”Husu ba membru Conselho Consultivo Municipal sira hotu atu kontinua hametin koordenasaun, unidade no esperitu servisu hamutuk ba povu, diferensia hanoin tenke sai forsa atu kompleta malu la’os haketak malu. Hametin nafatin valór responsabilidade, transparénsia no komprimisu atu hamutuk lori munisípiu ida ne’e ba dezenvolvimentu ida ne’ebé di’ak liután iha futuru”, haktuir Prezidente Autoridade Munisípiu Viqueque.Entertantu CCM maka orgaun ne’ebé ás liu iha autoridade munisípiu hodi fó paresér konstrutivu, observa no avalia ba planu asaun no servisu autoridade nian oinsá atu hadia di’ak liután. Membru CCM kompostu husi Prezidente Autoridade Munisípiu, Sekretáriu Munisipál na’in 3, Xefe Suku, Konfisaun Relijiozu, reprezentante Grupu Intelektuál ho Juventude feto mane, Veteranus, Sosiedade Sivíl, reprezentante Partidu Politiku asentu parlamentar no Setór Privadu.
Viqueque, 20 maiu 2026,
Exelentisímu Prezidente Autoridade Munisipál Viqueque, Sr. Francisco C.S de Gonzaga Soares, nu’udar inspektúr serimónia Isár Bandeira Nasionál komemorasaun aniversáriu Restaurasaun Independénsia Repúblika Demokratika Timor-Leste (RDTL) ba dala 24, iha resintu edefísiu Administrasaun Munisipál Viqueque.
Ho tema “Hamutuk Ita Sei Konstrui Pátria Ida Ne’ebé Justu Liu, Inkluzivu no Reziliente”.
Relasióna ho selebrasaun ba dala 24 Restaurasaun Indepedénsia RDTL, PAM espera katak Autoridade no Povu Viqueque tenke sai nafatin ema ida, mai ho hanoin ida, fuan ida, ulun ida ba desentralizasaun podér lokál.
“Desentralizasaun Podér Lokál maka úniku solusaun atu liberta povu no lori dezenvolvimentu iha tempu oin mai”, haktuir Exelentisímu Prezidente Autoridade Munisípiu Viqueque.
Ne’e duni atu alkansa dezenvolvimentu ne’e rasik, Exelentisímu PAM hatete mós katak, envolvimentu no kontribuisaun ema hotu importante tebes iha prosesu dezenvolvimentu.
Responsabiliza ba serimónia isár bandeira husi eskola ensinu sekundariu jerál Calixa hamutuk ofisiais Polísia no responsavél ba hananu Hino Nasionál Patria no Minitu Silénsiu Hanoin Asuain Sira husi eskola ensinu sekundariu jerál Katolika Santo Estevão Viqueque.
Serimónia solene ne’e partisipa mós husi Espoza Prezidente Autoridade, Deputadu Bankada CNRT, Komandante PNTL Munisípiu Viqueque ho Espoza no membru sira, estrutura Autoridade Munisipál Viqueque, Postu, Lideransa Komunitária Suku 10 postu Viqueque Villa, Veteranus, Eis Titulár sira, Prezidente CM-CLN, Profesór moradór suku 10, funsionáriu no estudante no komunidade sira.
Viqueque, 19 Maiu 2026
Exelentisímu Prezidente Autoridade Munisípiu Sr. Francisco C. S. de G. Soares, hamutuk ho estrutura Autoridade Munisipál partisipa iha misa solene ba agradesementu Komemorasaun loron Restaúrasaun Independensia nian ba Dala-(24), prezidi husi Pe.Arlindo Leonardo Sequeira da Silva, iha Igreija Parokia Nossa Senhora Imaculada da Conceição Viqueque.
Prezidente Autoridade Munisípiu iha Nia intervensaun hatete, selebrasaun 20 de Maio nu’udar loron espesiál no istóriku ba povu Timor-Leste. Hodi hanoin fila fali heroi/heroina barak ne’ebé sakrifika ona sira-nia an ba indepedénsia ida ne’e.
“Ita hotu iha obrigasaun morál atu rai metin indepedénsia ne’e ho responsabilidade, unidade no servisu hamutuk”, dehan, PAM Viqueque.
Ho tema ba selebrasaun tinan ida ne’e “Hamutuk Ita Sei Konstrui Pátria Ida Ne’ebé Justu Liu, Inkluzivu no Reziliente”.
Iha misa agradesimentu ne’e, partisipa mós husi Komandante PNTL Munisípiu Viqueque ho espoza no membru Polísia sira, Veteranus, Sosiedade Sivíl, Profesór, Estudante no Komunidade sira.
Hafoin misa remata kontinua kedas ba iha Jardim dos Herois, Craras hodi tau aifunan no sunu lilin, nu’udar aktu fó respeitu, rekoñesimentu, fó onra ba heroi/heroina sira ne’ebé fó ona sira-nia vida ba ukun rasik an.
Viqueque, 15 Maiu 2026
Estrutura Konsellu Koordenasaun Munisipál (KKM) hamutuk (40), kompostu Exelentisímu Prezidente Autoridade, Sekretáriu Munisipál na’in 3, Diretór Servisu Munisipál ho Delegasaun Territoriál, Administradór Postu Administrativu no Xefe Suku (Reprezentante Asembleia Postu Administrativu “ASPA”), aprova ona proposta lista prioridade Planu Investimentu Munisipál (PIM) hamutuk 47 no lista PNDS totál 71 ba tinan fiskál 2027.
Lista prioridade ne’ebé mai husi aspirasaun nivél aldeia, suku, postu administrativu hodi diskute no desidi prioridade kada postu liuhusi Asembleia Postu Administrativu ida-idak hodi sai prioridade munisípiu nian ho multisetorál atu responde ba nesesidade komunidade nian.
Iha intervensaun, Exelentisímu Prezidente Autoridade Munisípiu Sr. Francisco C.S de G. Soares, hanesan mós Prezidente KKM, fó motivasaun ba membru Konsellu Koordenasaun Munisipál nu’udar reprezentante povu atu servisu hamutuk ho integridade hodi servi povu no tau ses interese partidu ho grupu nian, liuhusi sorumutu KKM, sexta-feira ne’e iha salaun Laline AMV.
Durante sorumutu ne’e diriji husi Prezidente Autoridade hodi fó tempu ba Diretór Servisu Munisipál Planeamentu Dezenvolvimentu Integradu Munisipál (PDIM), Joaquim Fernandes ho Diretór Servisu Munisipál Planu Nasionál Dezenvolvimentu Suku (PNDS), Francisco Soares Varela.
Viqueque, 13 Maiu 2026
Exelentisímu Prezidente Autoridade Munisípiu Sr. Francisco C.S de G. Soares,
ofisialmente loke kompetisaun desportu futeboll entre instituisaun estadu iha munisípiu Viqueque, hanesan diresaun servisu munisipál, delegasaun teritoriál nomós parte seguransa PNTL.
Hamutuk ho Embaixadora Nova Zelandia mai Timor-Leste, Sra. Helena, Komandante PNTL Munisípiu Viqueque, Sr. Euclides Belo nomós Prezidente Asosiasaun Futeboll Viqueque no autoridade sira.
Iha ámbitu komemorasaun loron Restaurasaun Indepedénsia Repúblika Demokratika Timor-Leste ba dala 24, iha Kampu Demokrasia Viqueque, Suku Caraubalo, Postu Viqueque Villa.
Serimónia abertura ne’e konklui ho jogu entre Servisu Munisipál Agrikultura, Pekuária Peskas no Florestas (SMAPPF) ho Servisu Munisipál Agua Saneamentu no Ambiente (SMASA) no rezultadu jogu durante 90 minutus ne’e ekipa SMAPPF mak sai kampiaun 2-1
Viqueque, 12 Maiu 2026
Exelentisímu Prezidente Autoridade Munisípiu Sr. Francisco C.S de G. Soares, introdús politika no prosesu dalan ba desentralizasaun podér lokál ba lideransa komunitária no komunidade sira, tersa-feira ne’e, iha sede suku Maluru.
Objetivu husi programa refere atu sosializa informasaun ba komunidade oinsá atu iha koñesimentu kona-bá, saida maka desentralizasaun podér lokál, vantajen no desvantajen husi politika ne’e rasik ba partisipante sira.
Liuliu ba komunidade sira husi suku 4, Maluru, Uma Uain Craik, Fatudere no Uma Uain Leten. Tanba podér lokál mak prosesu ida atu transfere kompeténsia, responsabilidade, rekursu finanseiru no podér foti desizaun husi governu sentrál (nasionál) ba administrasaun lokál (munisípiu).
Vantajen husi desentralizasaun podér lokál maka habadak birokrasia servisu públiku no fó kbiit ba autoridade lokál atu jere sira-nia dezenvolvimentu rasik, liuliu bele responde imediatamente ba preokupasaun komunidade sira-nian.
Aleinde ne’e, fó mós espasu dialogu entre partisipante ho autoridade sira liga ba preokupasaun, sujestaun husi lideransa komunitária ho komunidade liga implementasaun programa sira iha baze, hanesan saúde, bee moos, agrikultura no seluk tan.
Programa ne’e nu’udar komprimisu Prezidente Autoridade Munisípiu atu hakbesik an ba Nia povu sira iha baze, reforsa koordenasaun entre autoridade ho komunidade no diskute prioridade dezenvolvimentu lokál tuir nesesidade komunidade sira-nian hodi prepara ba desentralizasaun podér lokál.
Entertantu marka prezensa iha sorumutu ne’e husi segundu Komandante PNTL Munisípiu Viqueque ho estrutura, Diretór no Xefe Departamentu Servisu Munisipál, Xefe Suku Maluru, Uma Uain Leten no reprezentante Xefe Suku Uma Uain Craik ho Fatudere, Konsellu suku no komunidade sira.
Viqueque, Sexta-Feira 08 Maiu 2026
Ministériu Administrasaun Estatál (MAE) koordena ho média nasionál RTTL.Ep realiza programa “Talk Show” ho tema “Dalan Ba Desentralizasaun Podér Lokál” ho Autoridade Munisipál Viqueque iha ambitu preparasaun munisípiu ba podér lokál.
Fontes prinsipál husi “talk show” ne’e maka Exelentisímu Prezidente Autoridade Munisípiu Viqueque, Sr. Francisco C.S de G. Soares, reprezenta autoridade postu maka Administradór Postu Administrativu Viqueque Sr. Leopoldo da Costa Alves no reprezentante lideransa komunitária maka Xefe Suku Loihunu Sr. Filomeno Guterres.
Talk Show refere hala’o iha rezidénsia ofisiál Prezidente Autoridade Munisípiu (PAM), iha suku Caraubalo, postu administrativu Viqueque akompañia mós husi Sekretáriu Munisipál, Xefe Gabinete PAM, Asesór, Diretór no Xefe Departamentu ho funsiónariu sira.
© 2026 Autoridade Municipal de Viqueque
