Viqueque, 15 Janeiru 2026, Sua Exelénsia Prezidente Autoridade Munisípiu Sr. Francisco C. S. de G. Soares, simu audiénsia husi Ministériu Edukasaun, akompañia mós husi Diretór Servisu Munisipál Edukasaun no Superentendente Ministériu Edukasaun, ne’ebé lidera husi Diretór Jerál Ensinu Sekundariu Sr. Deolindo da Cruz.
Objetivu audiénsia ba loron ohin hodi fó koñesimentu ba Prezidente Autoridade antes ba halo aproximasaun ho profesór, estudante no komunidade sira, liga ho lamentasaun ba desizaun Governu, liu husi Ministériu Edukasaun ne’ebé la fó autorizasaun ba eskola parelelu iha suku Uaguia hodi simu inskrisaun ba estudante foun anu letivu 2026.
Ne’e duni, iha intervensaun S.E. PAM espera katak, prezensa husi ekipa nasionál Ministériu Edukasaun hamutuk ho Autoridade Munisípiu bele solusiona problema ne’ebé komunidade sira hasoru
Nia sujere mós ba parte Ministériu atu bele tetu fila fali desizaun sira tanba haree ba distansia, defisil tebes ba estudante sira atu asesu ba sentru Olokasa no risku liután iha tempu udan. Tanba tenke ultrapasa mota 2 antes to’o ba fatin ensinu.
