Viqueque, 16 Janeiru 2026, Sexta-feira ne’e, Sua Exelénsia Prezidente Autoridade Munisípiu Viqueque S. Francisco C. S. de G. Soares, ofisialmente distribui pakote fiskál Orsamentu Jerál Estadu (OJE) 2026, ba diresaun servisu munisipál inklui Gabinete PAM hamutuk ho Sekretariu na’in 3 no Postu Administrativu sira.
Iha intervensaun S.E PAM husu ba Autoridade hotu hafoin simu pakote fiskál tenke hahu ezekuta tuir PAA (Planu Asaun Anuál), maibé ho responsabilidade no tuir regulamentu ka padraun ezekusaun orsamentu ba interese komun.
Aleinde distribui pakote fiskal 2026, diresaun servisu munisipál Finansas, realiza mós atividade deziminisaun kona-ba, Dekretu Lei Ezekusaun OJE 2026 ho Sirkular Avizu Autorizasaun Despezas (AAD). Dezimina mós kona-ba Dekretu Lei Aprovizionamentu no Prosesu Aprovizionamentu iha Sistema GRP husi Diretór Servisu Munisipál Aprovizionamentu, inklui mós Kontrolu Orsamentais ne’ebé dezimina husi Diretór Servisu Munisipál Ajénsia Planeamentu.
Entertantu pakote fiskál OJE 2026 ne’ebé aloka mai iha Autoridade Munisípiu Viqueque hamutuk $. 10,686,240.00. Kompostu husi kategoria orsamentu 5 maka hanesan Salariu no Vensimentu $. 2,762, 165.00, Bens Servisu $. 734,421.00, Transferénsia Publiku $. 4, 564,102.00, Kapital Minor $. 300,000.00 no Kapital Dezenvolvimentu $. 2, 325,552.00.
