Viqueque, 05 Janeiru 2026, Segunda-feira ne’e, Sua Exelénsia Prezidente Autoridade Munisípiu Sr. Francisco C.S de G. Soares, konvoka enkontru Koordenasaun Munisipál hamutuk ho membru Konsellu Koordenasaun, kompostu husi Sekretariu Munisipál sira, Diretór Servisu Munisipál, Delegasaun Territoriál, Administradór Postu Administrativu no Xefe Departementu sira.
Sorumutu ne’e, realiza iha salaun Laline AMV hodi avalia servisu sira ne’ebé ultrapasa ona iha tinan 2025. Liuliu kona-ba ezekusaun sira liga ba orsamentu, atividade inklui projetu.
Esperansa katak, atu bele hadia no harmoniza di’ak liután komunikasaun entre autoridade sira oinsá bele lori susesu ba servisu hotu ne’ebé sei ezekuta iha tinan ne’e.
