Viqueque, Sabadu 28 Marsu 2026, Exelentisímu Prezidente Autoridade Munisípiu Francisco C.S de G. Soares, simu vizita ofisiál Sua Exelénsia Primeiru Ministru Kay Rala Xanana Gusmão ho komitiva iha edefísiu Administrasaun Munisipál Viqueque.

Hodi halo diálogu ho Viqueque oan sira, kompostu husi eis titulár, veteranus, intelektual no kamada sira hotu kona-ba prosesu desentralizasaun podér lokál.

Tematíku ba vizita ne’e maka “Haree Besik Servisu Munisipál Husi Rezultadu Avaliasaun Kondisaun Mínimu” ne’ebé avalia husi Ministériu Administrasaun Estatál.

Iha intervensaun Sua Exelénsia Primeiru Ministru rekomenda ba autoridade sira atu halakon egoismu, la rona malu no la servisu hamutuk. Maibé tenke iha komunikasaun no koordenasaun di’ak ba malu hodi bele servisu hamutuk hodi servi povu.

Bazeia ba rezultadu avaliasaun kondisaun mínimu ba desentralizasaun podér lokál Viqueque presiza hadia di’ak liután iha setór planeamentu, finansas no fiskalizasaun. Atu nune’e planu hotu ne’ebé iha bele responde ba nesesidade komunidade.

Fatór importante ne’ebé suporta desentralizasaun podér lokál maka setór privadu. Ne’e duni, Nia enkoraza ba setór privadu oinsá atu iha hanoin hodi dezenvolve produtu inovativu. Tanba Viqueque iha potensialidade boot liubá setór agrikultura hanesan, natar, hudi, nu no seluk tan.