Liuhusi sorumutu ne’e hodi hatutan orientasaun trabalhu bazeia rezultadu enkontru iha Ministériu Administrasaun Estatál ba PAM atu, distribui tan ekipamentu agrikultura hanesan traktór, makina kuda hare, makina rontok hare ba postu administrativu sira hodi halo jestaun. Nune’e bele responde imediatamente ba pedidu agrikultór sira-nian hodi bele hasa’e produsaun lokál.
Aleinde ne’e PAM husu mós APA sira atu halo mapamentu ba dadus agrikultura tuir postu ida-idak nian, liuliu area potensiál agrikultura ne’ebé produtivu no abandona hanesan natar ho to’os. Agrikultór na’in maka hala’o atividade agrikultura tantu grupu no individu, inklui mós iha setór pekuária, peskas no floresta.
Nune’e autoridade munisipál sei distribui tan ekipamentu agrikultura ba postu sira iha tempu badak nia laran, hanesan traktór boot, makina kuda hare, makina koa hare no hand traktór ba postu sira.
Entertantu iha 2025 PAM entrega ona ekipamentu agrikultura hamutuk unidade 30 ba postu administrativu 5, hanesan makina traktor boot 5, hand traktór 25 no kada postu ida hand traktór 5 ho traktór boot 1.
